ഒരു കുരക്കുന്ന യന്ത്രം വാങ്ങണം.
തകര്ന്ന സ്വപ്നങ്ങള് അടിച്ചു കളയാന്
നിറമില്ലാത്ത ഒരു ചൂല്.
കണ്ണീരൊഴിച്ചു കുടിക്കാനൊരു ലഹരി പാത്രം .
എവിടെയോ തുന്നി ചേര്ത്തതെല്ലാം വെട്ടി എടുക്കുവാന്
മൂര്ച്ച ഉള്ള ഒരു കത്രിക വേണം.
ഉണങ്ങാത്ത മുറിവിലെ രക്തം വാര്ത്തെടുക്കാന്
അടപ്പില്ലാത്ത കുപ്പി.
പതുങ്ങി എത്തുന്ന കിനാക്കളെ
പിടിച്ചു കത്തിക്കാന് ഒരു നെരിപ്പോട് .
ചിന്തകളെ ചിരിച്ചു തള്ളാന് ,അടച്ചു വെയ്ക്കാന്
ഒരു പക്ഷിക്കൂട് വാങ്ങണം .
കരയിക്കുന്നതൊന്നും കാണാതിരിക്കാന്
ഒരു കറുത്ത കണ്ണട.
ഉള്ളിലുള്ളതൊന്നും വെളിയില് നഷ്ടപെടാതിരിക്കാന്
ഒരു കട്ടി ഉടുപ്പ് .
ഇതെല്ലം വാങ്ങിയിട്ട് വേണം
നിന്റെ ഓര്മ്മകളില്ലാതെ ഒന്ന് സുഖമായി ഉറങ്ങുവാന്.