add

Tuesday, February 23, 2016

കാക്ക.

കാക്കകളിൽ നിന്ന് പഠിക്കാനുണ്ട് ,
നിശബ്ദത മരണമെന്നു 
പഠിപ്പിക്കുന്നത് കൊണ്ട് മാത്രമല്ല .
കൂടിനു നേരെ ഒരു കല്ല് വന്നാൽ 
നീയെന്നോ ഞാനെന്നോ 
നോക്കാതെ 
പ്രതിഷേധിക്കുന്നത് കൊണ്ട് .

കാക്കകളിൽ നിന്ന് പഠിക്കാനുണ്ട് ,
കണ്ണും കാതും കൂർപ്പിച്ചു 
സദാ ജാഗരൂരരാവുന്നത് 
കൊണ്ട് മാത്രമല്ല .
തെറ്റാലിയോ കല്ലോ
അങ്ങനെ എന്തുമാവട്ടെ -
നിലനില്പ്പിനു നേരെ ഉയരുന്ന 
അക്രമങ്ങളെ 
ഒന്ന് ചെരിഞ്ഞു പറന്നു ,
ഒറ്റയായും കൂട്ടമായും 
അതിജീവിക്കുന്നത് കൊണ്ട് .

കാക്കകളുടെ രാജ്യത്തെങ്കിലും 
നിശബ്ദത മരണമാണ് .
വിളിച്ചു പറയൽ അവകാശമാണ് .
പ്രതിഷേധം 
ജീവന്റെ അടയാളപ്പെടുത്തൽ ആണ് .

4 comments:

  1. വാക്കുകളാകുന്ന, വാചാലമാകുന്ന കാ..കാ..

    ReplyDelete
  2. പോരാട്ടം പ്രതിഷേധം ഇവന്നമ്മക്കു ആവശ്യമാണ്
    നല്ല കവിത

    ReplyDelete
  3. പോരാട്ടം പ്രതിഷേധം ഇവന്നമ്മക്കു ആവശ്യമാണ്
    നല്ല കവിത

    ReplyDelete
  4. പൂമരം ഒരു അടയാളപ്പെടുത്തലാണ്.

    ReplyDelete