അപ്പൂപ്പൻതാടിയിൽ
ഒരു താടി മാത്രമല്ല
കിടാവിനെ തോളേറ്റി
പറക്കുന്ന
വാത്സല്യത്തിന്റെ
പല്ലില്ലാ ചിരി കൂടെ
ഒരു മരം വായിച്ചെടുക്കുന്നു.
ഇന്നലകളിൽ ഇന്നിൽ
വേരാഴ്ത്തി
ഉറച്ചു നിൽക്കുമ്പോഴും
എന്നോ പറന്നു നടന്നൊരോർമ്മ
മരത്തിനെ
കിടിലം കൊള്ളിക്കുന്നു.
ഏറ്റവും പിറകിലത്തെ
ഏറ്റവും ആദ്യത്തെ ഓർമ്മയിൽ
അപ്പൂപ്പന്റെ തോളേറി
താൻ കണ്ട കാഴ്ച്ചകൾ
ഒരു മനുഷ്യൻ
ഓർത്തെടുക്കും പോലെ.
Pic Courtesy - Unnimaya
ഒരു താടി മാത്രമല്ല
ReplyDeleteകിടാവിനെ തോളേറ്റി
പറക്കുന്ന
വാത്സല്യത്തിന്റെ
പല്ലില്ലാ ചിരി കൂടെ
ഒരു മരം വായിച്ചെടുക്കുന്നു...
ഗംഭീര സങ്കൽപം. 🌹🌹🌹🌹🥰